هَجَرُ [Hecer] (fethateynle) Yemen ülkesinde bir belde adıdır; ‘Asser nâm belde ile mâ-beyni bir merhaledir. Ve هَجَرٌ [hecer] kelimesi müzekker ve munsarıftır ve ba’zen belde te’vîliyle mü’ennes ve lâ-yansarif olur. Nisbetinde هَجَرِيٌّ [Heceriyy] denir ve gayr-i kıyâs üzere هَاجِرِيٌّ [Hâciriyy] denir. Ve هَجَرُ [Hecer] Bahreyn arzının mecmû’unun ismidir; onda pek çok hurmâ hâsıl olur. Ve minhu’l-mesel: hكَمُسْتَبْضِعِ تَمْرٍ إِلَى هَجَرَh Mesel-i mezbûr envâ’-ı hüner ü fezâ’il ile mütehallî olan adama izhâr-ı fazl u hüner eylemek mevki’inde îrâd olunur. Ve kavlu 'Ömer radıyallâhu 'anhu: hعَجِبْتُ لِتَاجِرِ هَجَرَh كَأَنَّهُ أَرَادَ لِكَثْرَةِ وَبَائِهِ أَوْ لِرُكُوبِ الْبَحْرِ Mütercim der ki Nihâye’de bu 'ibâre ile mersûmdur: hعَجِبْتُ لِتَاجِرِ هَجَرَ وَرَاكِبِ الْبَحْرِh وَإِنَّمَا خَصَّهَا لِكَثْرَةِ وَبَائِهَا أَيْ أَنَّ تَاجِرَهَا وَرَاكِبَ الْبَحْرِ سَوَاءٌ فِي الْخَطَرِ Ve هَجَرُ [Hecer] Medîne kurbünde bir karye adıdır, kılâl-i Heceriyye oraya, 'alâ-kavlin Hecer-i Yemen’e mahsûstur. Ve Yemen’de Mâzin nâhiyesinden bir hisse adıdır. Ve هَجَرَانِ [Hecerân] (tesniye bünyesiyle) Şehr-i hadramevt kurbünde bir cebel-i hasîn tepesinde birbirine karşı iki karyelerdir. Birine haydûn ve birine Demmûn ve ikisine birden Hecerân derler. Ve هَجَرٌ [hecer] Ucuzluk ve bolluk yere ıtlâk olunur, mahâll-i mezbûre hısb ve rehâ ile mevsûf olduğuna mebnî; ve minhu yukâlu: مَا بَلَدُهُ إِلاَّ هَجَرٌ مِنَ الْأَهْجَارِ أَيْ خِصْبٌ

هَجَرٌ [Hecer] (fethateynle) Bir şehrin adıdır; müzekker ve munsarıftır.