اَلْحَكَمُ [el-hakem] (fethateynle) Bu dahi حَاكِمٌ [hâkim] ma’nâsınadır. Şârihin beyânına göre حَكَمٌ [hakem] حَاكِمٌ [hâkim]den eblagdırve müfred ve cem’e ıtlâk olunur. İntehâ. Ve tesniye sîgasıyla حَكَمَانِ [hakemân] zikr olundukta murâd ashâbdan Ebû Mûsâ el-Eş’arî ile 'Amr b. el-'Âs’dır ki İmâm bi’l-hakk 'Alî el-Murtadâ tarafından Ebû Mûsâ ve Mu’âviye cânibinden 'Amr ta’yîn olunmuşlar idi. Ve حَكَمٌ [hakem] Yaşlı, gün geçirmiş pîr adama ıtlâk olunur; yukâlu: رَجُلٌ حَكَمٌ أَيْ مُسِنٌّ Ve Yemen iklîminde bir ülkenin ismidir. Ve yirmi mikdâr sahâbe-i kirâm ve otuz kadar muhaddisîn ismleridir.