اَلْخَاضِبُ [el-hâdib] Şol erkek devekuşuna denir ki dişiye pek kızmış olmakla baldırları kıpkızıl ola; 'alâ-kavlin bahâr mevsiminde ot otlamakla kuru incikleri kızarmış yâhûd yeşillenmiş yâhûd sararmış ola. Ve bu hâlet dişisine 'ârız olmaz. 'Alâ-re’yin خَاضِبٌ [hâdib]-i mersûmun me’hazı olan خَضْبٌ [hadb] şol kızıllığa denir ki erkek devekuşunun dizleri mafsallarına 'ârız olur, hurmânın koruğu zuhûr eylediği vaktte olur ve koruk kemâlini bulduğu hengâmda o kızıllık zâ’il olur. Şârih der ki bu keyfiyyet onda garîziyyedir.