اَلْخَدْعُ [el-had’] (hâ’nın fethi ve kesriyle) Bir adamı aldayıp âgâh olmadığı semtten ona zarar kasd eylemek ma’nâsınadır, Türkîde renk ve al ve dubara eylemek ve nakş geçmek ta’bîr olunur; yukâlu: خَدَعَهُ خَدْعًا مِنَ الْبَابِ الثَّالِثِ إِذَا خَتَلَهُ وَأَرَادَ بِهِ الْمَكْرُوهَ مِنْ حَيْثُ لاَ يَعْلَمُهُ Ve keler kısmı yuvasına girmek ma’nâsına müsta’meldir ki hud’a ile girer; yukâlu: خَدَعَ الضَّبُّ فِي جُحْرِهِ إِذَا دَخَلَ Ve ağızda tükürük kurumak ma’nâsına müsta’meldir; yukâlu: خَدَعَ الرِّيقُ إِذَا يَبِسَ Ve civân-merd olan adam imsâk eylemek ma’nâsına müsta’meldir; yukâlu: خَدَعَ الْكَرِيمُ إِذَا أَمْسَكَ Ve libâsı iki kat eylemek ma’nâsınadır ki murâd astar geçirmektir. Şârih bu gûne tahrîr eylemiştir; yukâlu: خَدَعَ الثَّوْبَ إِذَا ثَنَّاهُ Ve yağmur az yağmak ma’nâsına müsta’meldir, gûyâ ki sinîn-i sâbıkaya nisbet hud’a eylemiştir; yukâlu: خَدَعَ الْمَطَرُ إِذَا قَلَّ Ve umûr ve ahvâl muhtelif ve muhtelit olmak ma’nâsına müsta’meldir; yukâlu: خَدَعَتِ الْأُمُورُ إِذَا اخْتَلَفَتْ Ve bir adamın mâlı azalmak ma’nâsına müsta’meldir; yukâlu: خَدَعَ الرَّجُلُ إِذَا قَلَّ مَالُهُ Ve göz içre batmak ma’nâsınadır ki دُخُولُ الضَّبِّ ma’nâsındandır; yukâlu: خَدَعَتْ عَيْنُهُ إِذَا غَارَتْ Ve güneşin cirmi gurûb eylemek ma’nâsına müsta’meldir; yukâlu: خَدَعَتْ عَيْنُ الشَّمْسِ إِذَا غَابَتْ Ve pazar kesâda varmak ma’nâsına müsta’meldir; yukâlu: خَدَعَتِ السُّوقُ إِذَا كَسَدَتْ

اَلْحَدْءُ [el-had’] (hâ’nın fethi ve dâl’ın sükûnuyla) Sarf etmek; tekûlu: حَدَأْتُ الشَّيْءَ حَدْءًا مِنَ الْبَابِ الثَّالِثِ إِذَا صَرَفْتَهُ

اَلْحَضْءُ [el-had’] Odu yalınlandırmak; yukâlu: حَضَأْتُ النَّارَ أَيْ سَعَّرْتُهَا يُهْمَزُ وَلَا يُهْمَزُ