اَلْغِرَارُ [el-girâr] (كِتَابٌ [kitâb] vezninde) Mızrak ve temren ve kılıç makûlesi âlâtın ağzına denir. Ve az uykuya denir. Ve sâ’ir azca nesneye denir. Ve namâzın tahâretinde yâhûd rükû’ ve sücûd gibi erkânında olan noksâna ıtlâk olunur ki tamâm icrâ olunmamaktan ‘ibârettir. Ve tahiyyet ve teslîm husûsunda cem’ olarak سَلاَمٌ عَلَيْكُمْ 'unvânında demeyip belki müfred bünyesiyle سَلاَمٌ عَلَيْكَ yâhûd redd-i selâmda kezâlik عَلَيْكُمْ demeyip عَلَيْكَ demekten 'ibârettir. Asl غِرَارٌ [girâr] noksân ma’nâsınadır. Ve bunlar ıtlâkât-ı şer’iyyedendir. Kâle fi’n-Nihâye وَفِي الْحَدِيثِ hلاَ غِرَارَ فِي صَلاَةٍ وَلاَ تَسْلِيمٍh فَالْغِرَارُ اَلنُّقْصَانُ وَغِرَارُ النَّوْمِ قِلَّتُهُ وَيُرِيدُ بِغِرَارِ الصَّلاَةِ نُقْصَانَ هَيْئَتِهَا وَأَرْكَانِهَا وَغِرَارُ التَّسْلِيمِ أَنْ يَقُولَ الْمُجِيبُ وَعَلَيْكَ لاَ عَلَيْكُمْ Ve غِرَارٌ [girâr] Çarşı ve pazarın kesâda varmasına denir. Ve nâkanın lebeni kalîl olmağa denir. Ve şol nümûne ve örneğe denir ki ok temreni onun üzerine işlenir. Ve mutlakan örneğe denir, misâl ma’nâsına; yukâlu: ضَرَبَ نَصْلَهُ عَلَى غِرَارٍ أَيْ مِثَالٍ Ve غِرَارٌ [girâr] Mufâ’aletten masdar olur, nâkanın sütü azalmak ma’nâsınadır; yukâlu: غَارَّتِ النَّاقَةُ غِرَارًا إِذَا قَلَّ لَبَنُهَا