اَلْغَمَرُ [el-gamer] (fethateynle) ve اَلْغَمْرَةُ [el-gamret] (تَمْرَةٌ [temret] vezninde) ve اَلْغُمَارَةُ [el-gumâret - el-gamâret] (gayn’ın zammı ve fethiyle) Bunlar da müzdehim nâsa ıtlâk olunur; tekûlu: دَخَلْتُ فِي غَمَرِ النَّاسِ وَغَمْرَتِهِمْ وَغَمَارَتِهِمْ وَغُمَارَتِهِمْ أَيْ فِي جَمَاعَتِهِمْ وَلَفِيفِهِمْ Ve غَمَرٌ [gamer] (fethateynle) Et râyihasına denir. Ve ele bulaşan zifirine denir. Ve bu ma’nâda masdar olur, tekûlu: غَمِرَتْ يَدِي غَمَرًا مِنَ الْبَابِ الرَّابِعِ إِذَا عَلِقَ بِهَا دَسَمُ اللَّحْمِ Ve غَمَرٌ [gamer] Derûnda mün’akid hıkd ve kîneye denir; gayn’ın kesriyle de câ’izdir. Cem’i غُمُورٌ [gumûr] gelir; yukâlu: فِي قَلْبِهِ غَمَرٌ وَغَمِرٌ أَيْ غِلٌّ وَحِقْدٌ Ve غَمَرٌ [gamer] Masdar olur, derûnda kîn tutmak ma’nâsınadır; yukâlu: غَمِرَ صَدْرُهُ غَمَرًا مِنَ الْبَابِ الرَّابِعِ إِذَا غَلَّ