اَلْفُطْرُ [el-futr] (fâ’nın zammıyla) ve اَلْفُطُرُ [el-futur] (zâmmeteynle) Bir nev’ mantar ismidir ki kattâldir, delice mantar dedikleridir; yüreği şakk eylediği için ıtlâk olundu. Ve فُطُرٌ [futur] Süt sağıldığı anda memede kalan süt fazlasına denir. Ve memenin delikleri üzere nümâyân olan süte denir: وَمِنْهُ مَا رَوَاهُ النَّضْرُ قَوْلَ عُمَرَ رَضِيَ اللهُ عَنْهُ وَقَدْ سُئِلَ عَنِ الْمَذِيِّ hهُوَ الْفُطُرُh Bu hadîste فُطُرٌ [futur] lafzını Nadr b. Şumeyl, fâ’nın zammıyla rivâyet eylemekle Hazret-i 'Ömer mezîyi kılletinden nâşî meme ağzında zâhir olan süt reşhasına teşbîh eylemiş olur. Ve Nadr’dan mâ-'adâ rüvât fâ’nın fethiyle rivâyet eylemeleriyle iki parmakla sağılan süte yâhûd zuhûrunu devenin azı dişinin zuhûrune teşbîh eylemiş olur.