اَلْجَمْحُ [el-cemh] (cîm’in fethi ve mîm’in sükûnuyla) ve اَلْجُمُوحُ [el-cumûh] (قُعُودٌ [ku’ûd] vezninde) ve اَلْجِمَاحُ [el-cimâh] (جِمَالٌ [cimâl] vezninde) Râkibi zabta kâdir olmamak vechiyle at serkeş ve başı sert olup râkibini eslemez olmak ma’nâsınadır; yukâlu: جَمَحَ الْفَرَسُ جَمْحًا وَجُمُوحًا وَجِمَاحًا مِنَ الْبَابِ الثَّالِثِ إِذَا اعْتَزَّ فَارِسَهُ وَغَلَبَهُ Ve hatun mutallaka değil iken zevcinden iznsiz akribâsı hânesine gitmek ma’nâsına isti’mâl olunur; yukâlu: جَمَحَتِ الْمَرْأَةُ زَوْجَهَا إِذَا خَرَجَتْ مِنْ بَيْتِهِ إِلَى أَهْلِهَا قَبْلَ أَنْ يُطَلِّقَهَا Ve şitâb ve sür’atle gitmek ma’nâsınadır; yukâlu: جَمَحَ الرَّجُلُ إِذَا أَسْرَعَ Ve aşık oynayan çocuk bir aşıkla âher aşığı vurup yerinden ayırmak ma’nâsınadır; yukâlu: جَمَحَ الصَّبِيُّ الْكَعْبَ بِالْكَعْبِ إِذَا رَمَاهُ حَتَّى أَزَالَهُ عَنْ مَكَانِهِ