(a. i.) : hurma ağacının köü.

اَلْجِزْعُ [el-ciz’] (cîm’in kesriyle) Derenin burgaç yerine denir. Ve ortasına ‘alâ-kavlin kesilen yerine denir yâhûd bir semte eğilip dönen yerine denir. Ve ‘alâ-re’yin جِزْعٌ [ciz’] ıtlâk olunmaz, illâ ki vüs’ati olup ve eşcâr inbât eder olmadıkça yâhûd جِزْعٌ [ciz’] derede şol mekâna denir ki onda aslâ şecer olmaya ve ba’zen kumsal ola. Ebû ‘Ubeyde bu mâddede cîm’in kesrini istihsân eylemeyip lâyık olan cîm’in fethiyle olmaktır diye sebt eylemiştir. Ve جِزْعٌ [ciz’] Mahalleye denir. Ve şol arza denir ki oturaklı ve hemvâr olup ve hemvârlığıyla etrâfında olan arzlardan yüksekçe ve onlara havâle ve müşrif ola. Ve arı kovanına denir; cem’i أَجْزَاعٌ [eczâ’] gelir hemzenin fethiyle. Ve جِزْعٌ [Ciz’] tâ’if’in yemîni cihetinde bir karye ismidir. Ve şimâli cihetinde dahi bir karye adıdır.

اَلْجِذْعُ [el-ciz’] (cîm’in kesri ve zâl’ın sükûnuyla) Ağacın bedeni.