(a. i. c. cumû’) : 1) toplama, yığma. 2) birden fazla insan, hayvan ve eşyayı gösteren isim. 3) a. gr. * çoğul.

اَلْجُمْعُ [el-cum’] (cîm’in zammıyla) Biriktirilmiş nesneye denir. Bu münâsebetle yumruğa جُمْعُ الْكَفِّ [cem’u’l-keff] ıtlâk olunur; yukâlu: ضَرَبَهُ بِجُمْعِ الْكَفِّ وَهُوَ حِينَ يَقْبِضُهَا Cem’i أَجْمَاعٌ [ecmâ’] gelir. Ve mektûm ve mestûr nesneye ıtlâk olunur; yukâlu: أَمْرُهُمْ بِجُمْعٍ أَيْ مَكْتُومٌ وَمَسْتُورٌ Ve bâkire kıza ıtlâk olunur; yukâlu: هِيَ مِنْ زَوْجِهَا بِجُمْعٍ أَيْ عَذْرَاءُ Ve hep ve cümle ma’nâsınadır; yukâlu: ذَهَبَ الشَّهْرُ بِجُمْعٍ أَيْ كُلُّهُ Bu ma’nâların mecmû’unda cîm’in kesriyle de câ’izdir. Ve جُمْعٌ [cem’] (cîm’in harekât-ı selâsıyla) Bikr kıza yâhûd gebe hatuna yâhûd hamli ağırlaşıp vakti çatmış olanına ıtlâk olunur; yukâlu: مَاتَتْ بِجُمْعٍ أَيْ عَذْرَاءَ أَوْ حَامِلاً أَوْ مُثْقَلَةً

اَلْجَمْعُ [el-cem’] (سَمْعٌ [sem’] vezninde) Dağınık nesneyi biriktirmek ma’nâsınadır; yukâlu: جَمَعَ الْمَالَ الْمُتَفَرِّقَ جَمْعًا مِنَ الْبَابِ الثَّالِثِ إِذَا لَفَّهُ Ve جَمْعٌ [cem’] İyi ve cins olmayan hurmâya denir. ‘Alâ-kavlin bir nev’ hurmâ ismidir yâhûd çekirdekten yetişip ne cins olduğu ve ismi ne olduğu ma’lûm olmayanına denir. Ve جَمْعٌ [cem’] Kıyâmete ıtlâk olunur; يَوْمُ الْجَمْعِ [yevmu’l-cem’] yevmü’l-kıyâmettir. Ve hâssaten samg-ı ahmere denir. Ve cemâ’at-i insânîye denir; cem’i جُمُوعٌ [cumû’]dur. Ve جَمْعٌ [cem’] Memeleri صِرَارٌ [sirâr] ile bağlı olan nâkanın sütüne denir, niteki فُوَاقٌ [fuvâk] بَاهِلَةٌ [bâhilet]in ya’nî memesi bağlı olmayanın sütüne denir. Ve Muzdelife’ye ıtlâk olunur, onda nâs müctemi’ olduğu için.

اَلْإِجْتِمَاعُ [el-ictimâ’] (hemzenin ve tâ’nın kesriyle) Cem’ olup bir yere gelmek; yukâlu: جَمَعْتُ الشَّيْءَ الْمُتَفَرِّقَ فَاجْتَمَعَ Ve جَمْعٌ [cem’] Cemâ’at ma’nâsına da gelir.

اَلْجَمْعُ [el-cem’] (cîm’in fethi ve mîm’in sükûnuyla) Bir yere getirmek.