اَلْعَذْقُ [el-'azk] ('ayn’ın fethi ve zâl-ı mu’cemenin sükûnuyla) Yemişli hurmâ ağacına denir; cem’i أَعْذُقٌ [a’zuk] ve عِذَاقٌ ['izâk] gelir 'ayn’ın kesriyle. Ve عَذْقٌ ['azk] Masdar olur, deve sürüsünden buğuru kovup sürüyü bir araya toplamak ma’nâsına; yukâlu: عَذَقَ الْفَحْلَ عَنِ الْإِبِلِ عَذْقًا مِنَ الْبَابِ الثَّانِي إِذَا دَفَعَ عَنْهَا وَحَوَاهَا Ve koyuna kendi rengine muhâlif bir nesne ile nişân eylemek ma’nâsınadır; yukâlu: عَذَقَ الشَّاةَ إِذَا وَسَمَهَا بِالْعَذْقَةِ Ve bir kimseye bir 'ayb ve töhmet isnâd eylemek yâhûd hakkında bed söz söylemek ma’nâsına müsta’meldir; yukâlu: عَذَقَ فُلاَنًا بِشَرٍّ أَوْ قَبِيحٍ إِذَا رَمَاهُ بِهِ Ve bir şey’i bir nesneye nisbet eylemek ma’nâsınadır; yukâlu: عَذَقَهُ إِلَى كَذَا إِذَا نَسَبَهُ Ve deve ishâl eylemek ma’nâsınadır; yukâlu: عَذَقَ الْبَعِيرُ إِذَا ثَلَطَ Ve Mekke ayrığı dedikleri otun yemişi belirmek ma’nâsınadır; yukâlu: عَذَقَ الْإِذْخِرُ إِذَا ظَهَرَتْ ثَمَرَتُهُ