Ve قَرَنٌ [karen] mü’ellife göre عَفَلَةٌ ['afelet]-i sagîredir ve etıbbâya göre mâddesi halkî kemiktir yâhûd halt-ı sulb-ı şedîddir. Buna ‘ilâc hemân gayr-i kâbildir. Ve ba’zen inzımâm ve imtilâ’ sebebiyle nüfûz mümkin olmaz. Ve mü’ellifin رَتْقٌ [retk] mâddesinde takdîm eylediği kavl bu olacaktır. Ve Mugrib’in ve Misbâh’ın ve Nihâye’nin beyânları dahi tafsîl-i merkûma mülâyimdir, ancak Nihâye’de عَفَلَةٌ [‘afelet] ile قَرَنٌ [karen]i fark etmemiştir. Ve kâdî Şureyh mahzarına bir kimse bir câriye-i karnâ’ getirip istiftâ eyledikte “Yere oturtun, eğer o hâdise yere dokunursa 'aybdır ve illâ 'ayb değildir” diye iftâ eylediğini nakl eylemiştir. Buna göre رَتْقٌ [retk] halkî bitişik ve عَفَلٌ ['afel] ve قَرَنٌ [karen] debbelik olur, niteki mü’ellife göre de ikisi birdir, lâkin sıgar ve kiber cihetiyle farkları vardır. Pes beynlerinde 'umûm ve husûs-ı mutlak olmak melhûzdur fe’lyuhfaz; yukâlu: بِهَا عَفَلٌ وَعَفَلَةٌ وَهُوَ شَيْءٌ يَخْرُجُ مِنْ قُبُلِ النِّسَاءِ وَحَيَاءِ النَّاقَةِ كَالْأُدْرَةِ لِلرِّجَالِ Ve عَفَلٌ ['afel] Masdar olur hatunda yâhûd nâkada عَفَلَةٌ ['afelet] hudûs eylemek ma’nâsına; yukâlu: عَفِلَتِ الْمَرْأَةُ أَوِ النَّاقَةُ عَفَلًا مِنَ الْبَابِ الرَّابِعِ إِذَا صَارَتْ بِهَا عَفَلَةٌ