اَلرَّحِيمُ [er-Rahîm] (râ’nın fethi ve hâ’nın kesri ve meddiyle) İkisi dahi رَحْمَةٌ [rahmet]ten müştakk olmuş ismlerdir. Ve bunların nazîri lügatte نَدِيمٌ [nedîm]le نَدْمَانُ [nedmân]dır. Ve نَدِيمٌ [nedîm] ve نَدْمَانُ [nedmân] bir ma’nâyadır. Ve iki ismin iştikâkı müttefik olsa 'alâ-vechi’t-tevkîd zikr olunmak câ’iz değildir, görülmez mi ki hudây ta’âlâ: ﴿قُلِ ادْعُو اللهَ أَوِ ادْعُوا الرَّحْمَنَ﴾ (الإسراء، 110) buyurmuştur. Ve رَحْمَانُ [Rahmân] şol ism-i zâta mu’âdil kılmıştır ki onda bir ehad şerîk değildir. Ve Museylime-i kezzâb’a رَحْمَانُ الْيَمَامَةِ diye tesmiye kılmışlardı. Ve رَحِيمٌ [rahîm] Gâh olur merhûm ma’nâsına dahi isti’mâl olunur.