اَلْعَمَرَّدُ [el-'amerred] (عَمَلَّسٌ ['amelles] vezninde) Uzun şey’e denir. Ve kavî olup çetin huylu olan insân ve hayvâna denir; yukâlu: رَجُلٌ عَمَرَّدٌ أَيْ شَرِسُ الْخُلُقِ Ve kavî ve habîs ve mûzî kurda denir. Ve habîs ve dâhiye olan kimseye denir. Ve şol soy ve asîl olan deveye denir ki râhile ittihâz ederler. Ve عَمَرَّدٌ ['Amerred] Va’le b. Şerâhîl nâm kimsenin feresi ismidir. Mişrah ve Mihves ve Cemed ve Ebda’a nâm kimselerin kızkardeşleri ismidir. Mezbûrlara Seyyid-i enâm 'aleyhi’s-selâm hazretleri la’n ve nefrîn eylediler.