اَلْعَيْلُ [el-'ayl] (سَيْلٌ [seyl] vezninde) ve اَلْعَيْلَةُ [el-'aylet] (hâ’la) ve اَلْعُيُولُ [el-'uyûl] (قُعُودٌ [ku’ûd] vezninde) ve اَلْمَعِيلُ [el-me’îl] (مَكِيلٌ [mekîl] vezninde) Fakîr ve gedâ olmak ma’nâsınadır; yukâlu: عَالَ الرَّجُلُ يَعِيلُ عَيْلًا وَعَيْلَةً وَعُيُولًا وَمَعِيلًا إِذَا افْتَقَرَ Ve عَيْلَةٌ ['aylet] İsm olur, fakr u fâka ma’nâsına; yukâlu: هُوَ فِي عَوْلَةٍ مِنْ عَيْلَةٍ أَيْ فِي بُكَاءٍ مِنْ فَقْرٍ Ve عَيْلٌ ['ayl] ve مَعِيلٌ [me’îl] Bir adamı bir müşkil nesnenin tahsîli 'âciz ve fürû-mânde kılmak ma’nâsınadır; tekûlu: عَالَنِي الشَّيْءُ عَيْلًا وَمَعِيلًا أَيْ أَعْوَزَنِي Ve nâzendelikle iki cânibe meyelânla salını salını yürümek ma’nâsınadır; yukâlu: عَالَ الرَّجُلُ وَالْفَرَسُ فِي مَشْيِهِ إِذَا تَمَايَلَ وَاخْتَالَ وَتَبَخْتَرَ Ve bir adam yitiği kanda arayıp bulacağını bilmeyip mütehayyir kalmak ma’nâsınadır; yukâlu: عَالَ الضَّالَّةَ إِذَا لَمْ يَدْرِ أَيْنَ يَبْغِيهَا Ve عَيْلٌ ['ayl] ve عُيُولٌ ['uyûl] Bir yerde gezip dönüştürmek ma’nâsınadır; yukâlu: عَالَ فِي الْأَرْضِ إِذَا ذَهَبَ وَدَارَ