اَلْعَوَرُ [el-'aver] (fethateynle) Bir gözün hissi ya’nî kuvvet-i bâsırası zâ’il olmak ki murâd yek-çeşm olmaktır; yukâlu: عَوِرَ الرَّجُل عَوَرًا مِنَ الْبَابِ الرَّابِعِ وَيُقَالُ hعَارَ – يَعَارُ كَخَافَ– يَخَافُh إِذَا ذَهَبَ حِسُّ إِحْدَى عَيْنَيْهِ Lâkin Misbâh’ta عَوِرَتِ الْعَيْنُ إِذَا نَقَصَتْ أَوْ غَارَتْ 'ibâretiyle mersûm olmakla mü’ellifin tefsîrine muhâlif olur.

اَلْعَوَرُ [el-‘aver] (fethateynle) Bir gözlü olmak, yek-çeşm ma’nâsına; yukâlu: عَارَتِ الْعَيْنُ تَعَارُ مِنَ الْبَابِ الرَّابِعِ Ve عَوِرَتْ عَنْيُهُ dahi derler vâv’ı hâli üzere ibkâ edip elife kalb etmemekle, aslında sahîh olduğuna binâ’en ki o إِعْوَرَّتْ [i’verret]tir, zîrâ إِعْوَرَّتْ [i’verret]te vâv’ın mâ-kabli sâkindir, ona binâ’en sahîh olmuştur, pes harf-i zevâ’id hazf olunup teşdîd ref’ olunmakla عَوِرَ kalmıştır. Ve عَوِرَ ['avire]nin aslı إِعْوَرَّ olmasına delîl sâ’ir ahavâtıdır ki onlar إِسْوَدَّ يَسْوَدُّ ve إِحْمَرَّ يَحْمَرُّ dür. Elvânda bu veznden gayrı müsta’mel değildir. Ve ‘uyûbda kıyâs إِعْرَجَّ ve إِعْمَيَّ demek idi عَرِجَ ve عَمِيَ mahallinde ve lâkin mesmû’ olmamıştır. Ve عُرْتُ عَيْنَهُ أَعُورُهَا dahi derler müte’addî gelmek üzere.