اَلْعَتَلَةُ [el-'atelet] (fetehâtla) Tarlada olan büyük keseğe denir ki tarla sürülürken yerden kopup ayrılır. Ve şol demir kazmaya denir ki baltanın başı tarzında olur, 'alâ-kavlin yayvan başlı değnek tarzında olup onunla duvar hedm ederler, Türkîde kösegi ta’bîr ettikleri âlet olacaktır. Ve dülgerlerin ve oymacıların ay demiri dedikleri âlete denir. Ve aslâ gebe kalmayan nâkaya denir. Ve yoğun değneğe denir ki sopa ve toyka ta’bîr olunur. Ve 'acem yayına denir; cem’i عَتَلٌّ ['atell]dir hâ’sız. Ve 'Atele b. 'Abdu’s-Sulemî ashâbdandır; Fahr-i 'âlem sallallâhu 'aleyhi ve sellem hazretleri tagyîr edip 'Utbe ile tesmiye eylediler, zîrâ عَتَلَةٌ ['atelet] zikr olunan âletlerin ismi olup şiddet ve gılzati mutazammın olmakla kerîh görüp tagyîr eylediler.