اَلْعَشْرُ [el-'aşr] ('ayn’ın fethi ve şîn’in sükûnuyla) On 'adedden birini almak ma’nâsınadır ki 'öşr almak ve deh-yek almak ta’bîr olunur. Yâhûd dokuza bir 'aded ziyâde edip on eylemek ma’nâsınadır; yukâlu: عَشَرَهُ عَشْرًا مِنَ الْبَابِ الثَّانِي إِذَا أَخَذَ وَاحِدًا مِنْ عَشَرَةٍ أَوْ زَادَ وَاحِدًا عَلَى تِسْعَةٍ Ve bir cemâ’atin onuncusu olmak ma’nâsınadır; yukâlu: عَشَرَ الْقَوْمَ إِذَا صَارَ عَاشِرَهُمْ

اَلْعَثْرُ [el-'asr] ('ayn’ın fethi ve sâ’nın sükûnuyla) Her nesneyi duymak ve bilmek.

اَلْعَسْرُ [el-'asr] ('ayn’ın fethi ve sîn’in sükûnuyla) 'Usret hâlinde deyn taleb etmek. Ve bir kimseye sol cânibinden gelmeğe dahi derler; yukâlu: عَسَرَنِي فُلَانٌ أَيْ جَاءَ عَلَى يَسَارِي

اَلْعَصْرُ [el-'asr] ('ayn’ın fethi ve sâd’ın sükûnuyla) Zamân, dehr ma’nâsına. Ve bunda iki lügat dahi vardır:biri عُصْرٌ ['usr] 'ayn’ın zammı ve sâd’ın sükûnuyla ve biri dahi عُصُرٌ ['usur] zammeteynle,عُسْرٌ ['usr]la عُسُرٌ ['usur] gibi.