اَلْعَصَا [el-'asâ] ('ayn’ın fethi ve elifin kasrıyla) Değnek ki mü’ennes-i semâ’îdir. Ve bunun elifinde medd câ’iz değildir, Ferrâ eyitti: Evvel lahn ki 'Irâk’ta peydâ oldu,﴿هِيَ عَصَايَ أَتَوَكَّأُ عَلَيْهَا﴾ (طه، 18) âyetinde عَصَا kırâ’at etmeleridir dedi. Ve fi’l-meseli: “اَلْعَصَا مِنَ الْعُصَيَّةِ” أَيْ بَعْضُ الْأَمْرِ مِنْ بَعْضٍ Ve bu Cevherî tefsîridir, lâkin nüsah-ı sıhâh’ta عُصَيَّةٌ ['usayyet] zamm-ı 'ayn ve feth-i sâd’la zabt olunmuştur. Bu takdîrce 'asâcıktan hâsıl olur ma’nâsın müş’ir olur. اَلْأَمْرُ الْعَظِيمُ مِنَ الشَّيْءِ الْقَلِيلِ ma’nâsına, pes Cevherî tefsîrin mutlak kılmasa enseb olurdu.