اَلْعَكْلُ [el-'akl] (شَكْلٌ [şekl] vezninde) Biriktirmek ma’nâsınadır; yukâlu: عَكَلَ الشَّيْءَ عَكْلًا مِنَ الْبَابِ الْأَوَّلِ وَالثَّانِي إِذَا جَمَعَهُ Ve develeri öteden beri toplayıp sürmek ma’nâsınadır; yukâlu: عَكَلَ الْإِبِلَ إِذَا حَازَهَا وَسَاقَهَا Ve devenin bilekçelerini ip ile kollarına bağlamak ma’nâsınadır; yukâlu: عَكَلَ الْبَعِيرَ إِذَا شَدَّ رُسْغَ يَدَيْهِ إِلَى عَضُدِهِ بِحَبْلٍ Ve bir husûsta kendi karîha ve re’yinden söz söyleyip hükm eylemek ma’nâsınadır; yukâlu: عَكَلَ فِي الْأَمْرِ إِذَا قَالَ فِيهِ بِرَأْيِهِ Ve bir nesne çepreşik müştebih olmak ma’nâsınadır; yukâlu: عَكَلَ عَلَيْهِ الْأَمْرُ إِذَا الْتَبَسَ Ve bir nesne hakkında kendi firâsetiyle zann ve tahmîn eylemek ma’nâsınadır; yukâlu: عَكَلَ بِرَأْيِهِ إِذَا حَدَسَ Ve bir adamı habs eylemek, 'alâ-kavlin yere yıkmak ma’nâsınadır; yukâlu: عَكَلَ فُلَانًا إِذَا حَبَسَهُ أَوْ صَرَعَهُ Ve metâ’ı birbiri üzerine istif eylemek ma’nâsınadır; yukâlu: عَكَلَ الْمَتَاعَ إِذَا نَضَّدَ بَعْضَهُ عَلَى بَعْضٍ Ve ölmek ma’nâsınadır; yukâlu: عَكَلَ فُلَانٌ إِذَا مَاتَ Ve bir husûsta çalışıp çabalamak ma’nâsınadır; yukâlu: عَكَلَ فِي الْأَمْرِ إِذَا جَدَّ