اَلْعَضُوضُ [el-'adûd] (صَبُورٌ [sabûr] vezninde) Isırmak cihetiyle ekl olunacak nesneye denir; tekûlu: مَا ذُقْتُ عَضُوضًا أَيْ مَا يُعَضُّ عَلَيْهِ وَيُؤْكَلُ Ve kirişi bağrına yapışmış yaya ıtlâk olunur; yukâlu: قَوْسٌ عَضُوضٌ إِذَا لَزِقَ وَتَرُهَا بِكَبِدِهَا Ve ferci pek daracık 'avrete denir; yukâlu: إِمْرَأَةٌ عَضُوضٌ أَيْ ضَيِّقَةٌ Ve âfet ve dâhiyeye ıtlâk olunur; yukâlu: أَصَابَهُ عَضُوضٌ أَيْ دَاهِيَةٌ Ve nâsı dil-âzâr eden şiddetli ve mihnetli zamâna ıtlâk olunur; yukâlu: زَمَنٌ عَضُوضٌ أَيْ شَدِيدٌ كَلِبٌ Ve cevr ve zulm ve sitemi olan şâh ve emîre ıtlâk olunur; yukâlu: مَلِكٌ عَضُوضٌ أَيْ فِيهِ عَسْفٌ وَظُلْمٌ Kâle’ş-şârih ve minhu hadîsu Ebî Bekr radiyallâhu 'anhu: hسَتَرَوْنَ بَعْدِي مَلِكًا عَضُوضًاh Ve dibi derin kuyuya, 'alâ-kavlin suyu çok olanına ıtlâk olunur. Evvele göre gûyâ ki meşakkatinden su çeken adamı عَضٌّ ['add] eder. Sânîye göre gûyâ ki kovaya bütün dişleriyle عَضٌّ ['add] eder; yukâlu: بِئْرٌ عَضُوضٌ أَيِ الْبَعِيدَةُ الْقَعْرِ أَوِ الْكَثِيرَةُ الْمَاءِ Cem’i عُضُضٌ ['udud] gelir zammeteynle ve عِضَاضٌ ['idâd] gelir 'ayn’ın kesriyle.