اَلْوَقُورُ [el-vekûr] (vâv’ın fethi ve kâf’ın zammı ve meddiyle) Sengîn ve halîm olan kimse; kâlallâhu ta’âlâ: “وَقِرْنَ فِي بُيُوتِكُنَّ” (الأحزاب 33) Ya’nî siz evlerinizde sükûn ve vakâr üzere olun. Ve ba’zılar ﴿وَقَرْنَ فِي بُيُوتِكُنَّ﴾ kırâ’at ettiler kâf’ın fethiyle, bu takdîrce قَرَارٌ [karâr]dan olur ki aslı إِقْرَرْنَ dir, râ-i ûlâ tahfîf için hazf olunup fethası kâf’a verildikte hemzenin mâ-ba’dı müteharrik olup hemzeden istignâ hâsıl olmağın iskât olundu. Ve kesrle kırâ’at edenin dahi kırâ’ati إِقْرَرْنَ den olduğuna binâ’en olmak dahi muhtemeldir, nitekim: ﴿فَظَلْتُمْ تَفَكَّهُونَ﴾ (الواقعة 65) âyetinde zâ’nın fethiyle ve kesriyle kırâ’at olunmuştur. Ve bu şâzz olan tahfîflerdendir.