اَلْوِزْرُ [el-vizr] (vâv’ın kesriyle) Günâh ve ism ma’nâsınadır; yukâlu: لَيْسَ فِيهِ وِزْرٌ أَيِ اثْمٌ Ve ağırlık, ثِقْلٌ [sikl] ma’nâsına. Ve büyük arka yüküne denir, kâre-i kebîre ma’nâsına. Ve silâha denir. Ve ağır yüke denir, حِمْلٌ ثَقِيلٌ ma’nâsına. Cem’i أَوْزَارٌ [evzâr] gelir. Ve وِزْرٌ [vizr] Masdar olur, yük götürmek ma’nâsınadır; yukâlu: وَزَرَهُ يَزِرُهُ وِزْرًا كَوَعَدَهُ يَعِدُهُ وِزْرًا إِذَا حَمَلَهُ Ve وِزْرٌ [vizr] ve وَزْرٌ [vezr] (vâv’ın fethiyle) ve زِرَةٌ [ziret] (عِدَةٌ ['idet] vezninde) Güneh-kâr olmak ma’nâsınadır; yukâlu: وَزَرَ الرَّجُلُ يَزِرُ كَوَعَدَ يَعِدُ وَوَزِرَ يَوْزَرُ كَوَجِلَ يَوْجَلُ وَوُزِرَ يُوزَرُ عَلَى بِنَاءِ الْمَفْعُولِ وِزْرًا وَوَزْرًا وَزِرَةً إِذَا أَثِمَ Ve وَزْرٌ [vezr] (وَعْدٌ [va’d] vezninde) Gedik kapamak ma’nâsınadır; yukâlu: وَزَرَ الثُّلْمَةَ كَوَعَدَ إِذَا سَدَّهَا Ve gâlib olmak ma’nâsınadır; yukâlu: وَزَرَهُ إِذَا غَلَبَهُ Ve günâh töhmetine uğramak ma’nâsınadır; yukâlu: وُزِرَ الرَّجُلُ عَلَى بِنَاءِ الْمَجْهُولِ إِذَا رُمِيَ بِوِزْرٍ