اَلنَّقْشُ [en-nakş] (nûn’un fethi ve kâf’ın sükûnuyla) Bir nesneyi iki yâhûd birkaç renkler ile alaca eylemek ma’nâsınadır; yukâlu: نَقَشَ الشَّيْءَ نَقْشًا مِنَ الْبَابِ الْأَوَّلِ إِذَا لَوَّنَهُ بِلَوْنَيْنِ أَوْ أَلْوَانٍ Ve cimâ’ eylemek ma’nâsınadır; yukâlu: نَقَشَ الْجَارِيَةَ إِذَا جَامَعَهَا Ve hurmâ salkımı nuzc bulup rutab olmak için dikenlik ile darb eylemek ma’nâsınadır ki tîz yumuşayıp rutab olsun diye dikenlikler ile dürtüştürüp darb ederler; yukâlu: نَقَشَ الْعِذْقَ إِذَا ضَرَبَهُ بِشَوْكٍ حَتَّى يُرْطِبَ Ve bedene batmış dikeni çıkarmak ma’nâsınadır; yukâlu: نَقَشَ الشَّوْكَةَ مِنْ رِجْلِهَا إِذَا اسْتَخْرَجَهَا Ve bir nesneyi gereği gibi 'ayân olmak için ötesini araştırmak ma’nâsına müsta’meldir; istihrâc-ı şevk ma’nâsından me’hûzdur; yukâlu: نَقَشَ عَنِ الشَّيْءِ إِذَا اسْتَقْصَى كَشْفَهُ Ve نَقْشٌ [nakş] صُعْرُورٌ [su’rûr]dan asgar olan zamka denir. Ve suya ıslanmış hurmâya denir. Ve koyun ve keçi yatağını diken ve taş makûlesi nesnelerden pâk eylemek ma’nâsınadır; yukâlu: نَقَشَ مَرْبِضَ الْغَنَمِ إِذَا نَقَّاهُ مِنَ الشَّوْكِ وَنَحْوِهِ