اَلْمِغْوَلُ [el-migvel] (مِنْبَرٌ [minber] vezninde) Ba’zı kamçılara geçirilen demir namluya denir ki kamçı ona gılâf menzilinde olur, kamçı sûretiyle onunla vurup kat’ ve cerh ederler. Ve مِشْمَلٌ [mişmel] ya’nî pala tarzında bir gûne âlete denir ki paladan ince ve uzunca olur, buna Fârisîde bilisk ve Türkîde pinyal ve şiş ta’bîr ederler. Ve uzun temrene denir. Ve 'inde’l-ba’z مِغْوَلٌ [migvel] enseli bir gûne incerek kılıca denir ki Türkîde görde dedikleri olacaktır ki 'Arabların cenbiyye ta’bîr ettikleri ettikleri dahi bu kısımdandır. Bu âleti fettâklar kullanırlar, igtiyâl ile hemân i’mâl ederler. Ve مِغْوَلٌ [Migvel] Bir recül ismidir. Ve مِغْوَلٌ [migvel] kezâlik غَوْلٌ [gavl]den ism-i âlet olur ki çabuk helâk eden nesneye ıtlâk olunur; ve minhu yukâlu: فَرَسٌ ذَاتُ مِغْوَلٍ أَيْ ذَاتُ سَبْقٍ Gûyâ ki sâ’ir atları sebk ile igtiyâl eder.