اَللُّكُّ [el-lukk] (lâm’ın zammıyla) Zikr olunan لَكٌّ [lekk] dedikleri nebâtın ثُفْلٌ [sufl]üne yâhûd ‘usâresine denir. Kuyumcular onunla hançer ve bıçak saplarını yapıştırırlar. Bir dirhemini şürb, hafakân ve yarakân ve istiskâ ve ciğer ve mi’de ve dalak ve mesâne evcâ’ına nâfi’ olup lâkin semiz adamı ihzâl eder. Ve ba’zılar dediler ki lâm’ın zammıyla لُكٌّ [lukk] zikr olunan لَكٌّ [lekk] boyasıyla boyanmış derinin yufka tırâşesine denir ki onunla hançer ve bıçak saplarını bend ederler; lâm’ın fethiyle de câ’izdir. Ve لُكٌّ [Lukk] Endelus ülkesinde bir belde adıdır. Ve İskenderiyye ile tarabulus-ı garb beyninde bir beldedir. Ve لُكٌّ [lukk]لَكِيكٌ [lekîk] gibi etine dolu sımsıkı tıknaz adama denir; مُلَكَّكٌ [mulekkek] dahi denir, مُعَظَّمٌ [mu’azzam] vezninde.