اَلْكَمَهُ [el-kemeh] (fethateynle) Anadan doğma kör olmak 'alâ-kavlin mutlakan kör olmak ma’nâsınadır; yukâlu: كَمِهَ الرَّجُلُ كَمَهًا مِنَ الْبَابِ الرَّابِعِ إِذَا عَمِيَ أَوْ عَامٌّ Ve şeb-kûr olmak ma’nâsınadır ki gündüz görüp gece görmez olmaktan 'ibârettir; yukâlu: كَمِهَ الرَّجُلُ إِذَا صَارَ أَعْشَى Ve göze duman çöküp dumanlı olmak ma’nâsınadır; yukâlu: كَمِهَ بَصَرُهُ إِذَا اعْتَرَتْهُ ظُلْمَةً تَطْمِسُ عَلَيْهِ Ve güneşin şu’â’ı buhârdan sislenip fersiz olmak ma’nâsına müsta’meldir; yukâlu: كَمِهَ النَّهَارُ إِذَا اعْتَرَضَتْ فِي شَمْسِهِ غُبْرَةً Ve bir adamın levni mütegayyir olmak ma’nâsına müsta’meldir; yukâlu: كَمِهَ فُلَانٌ إِذَا تَغَيَّرَ لَوْنُهُ Ve bir adamın 'aklı zâ’il olmak ma’nâsına müsta’meldir; yukâlu: كَمِهَ فُلَانٌ إِذَا زَالَ عَقْلُهُ