اَلْكِنَّةُ [el-kinnet] ve اَلْكِنَانُ [el-kinân] (kâf’ların kesriyle) Bunlar da bir nesnenin perdelenip gizleneceği sütreye denir.

اَلْكُنَّةُ [el-kunnet] (kâf’ın zammıyla) Ba’zı hânenin duvarından cenâh tarzında çıkma şeh-nişîn makûlesine denir, 'alâ-kavlin kapı üzerinde yaptıkları saçağa ve sundurmaya denir yâhûd kapı üzerinde yaptıkları gölgeliğe denir yâhûd kilere denir yâhûd evlerde raf ve musandıra ve şîrvân makûlesine denir; cem’i كِنَانٌ [kinân]dır, جِبَالٌ [cibâl] vezninde. Ve 'Arabdan bir kabîle adıdır; nisbetinde كِنِّيٌّ [Kinniy] ve كُنِّيٌّ[Kunniyy] denir kâf’ın kesri ve zammıyla, لِجِّيٌّ [licciy] ve لُجِّيٌّ [lucciyy] dedikleri gibi. Mazmûme tagyîr-i niseb kabîlinden olur. Mütercim der ki e’imme-i nühâttan İbn Cinnî, كِنِّيٌّ [kinniyy] mu’arrebidir.

اَلْقِنَّةُ [el-kinnet] (kâf’ın kesriyle) Lîften bükülen ipin bir katına derler.

اَلْقُنَّةُ [el-kunnet] (kâf’ın zammı ile) Dağın yukarısı, قُلَّةٌ [kullet] gibidir veznen ve ma’nen.

اَلْقِنَنُ [el-kinen] (kâf’ın kesri ve nûn’un fethiyle) Cem’i, zikr olunan ipin katları ma’nâsına. Ve قُنَّةٌ [kunnet] Kasnı dedikleri nesnedir, edviye kısmında ki lisân-ı Fârisîde ona bîrzed derler.