اَلْقَبْلُ [el-kabl] (kâf’ın fethiyle) Na’leyne قِبَالَةٌ [kibâlet] dediği zikr olunan tasmayı geçirmek ma’nâsınadır; yukâlu: قَبَلَ النَّعْلَ قَبْلًا مِنَ الْبَابِ الثَّالِثِ إِذَا جَعَلَ لَهَا قِبَالَيْنِ Burada bâb-ı sâlis bilâ-şart vârid olmuştur. Ve burada إِقْبَالٌ [ikbâl] ve مُقَابَلَةٌ [mukâbelet] ve قَبْلٌ [kabl] beynlerinde ba’zılara göre ihtilâf olmakla 'an-karîb zikr olunur. Ve قَبْلٌ [kabl] Gece قَابِلَةٌ [kâbilet] olmak ma’nâsınadır; yukâlu: قَبَلَتِ اللَّيْلَةُ إِذَا صَارَتْ قَابِلَةً Ve قَبْلٌ [kabl] ve قُبُولٌ [kubûl] (kâf’ın zammı ve fethiyle) قَبُولٌ [kabûl] dediği rüzgâr esmek ma’nâsınadır; yukâlu: قَبَلَتِ الْقَبُولُ قَبْلًا وَقُبُولًا وَقَبُولًا مِنَ الْبَابِ الْأَوَّلِ إِذَا هَبَّتْ Ve قَبْلٌ [kabl] Bir nesneye başlayıp ona idmân ve müdâvemet eylemek ma’nâsınadır; yukâlu: قَبَلَ عَلَى الشَّيْءِ قَبْلًا إِذَا لَزِمَهُ وَأَخَذَ فِيهِ