اَلْفَاصِلُ [el-fâsil] ve اَلْفَصِيلُ [el-fesîl] (أَمِيرٌ [emîr] vezninde) فَيْصَلٌ [faysal] gibi nâfiz olup mâdde-i nizâ’ı kâtı’ olan hükm ve kazâya vasf olur; yukâlu: حُكْمٌ فَاصِلٌ وَفَصِيلٌ وَحُكُومَةٌ فَيْصَلٌ أَيْ مَاضٍ Ve فَصِيلٌ [fesîl] Bir mahalde çevrilmiş şol duvara denir ki kal’a bârûsundan yâhûd sûr-ı beldeden dûn ve kasîr ola, şaranpol gibi. Ve memeden kat’ olunmuş deve köşeğine denir; cem’i فُصْلَانٌ [fuslân] gelir fâ’nın zammı ve kesriyle ve فِصَالٌ [fisâl] gelir, كِتَابٌ [kitâb] vezninde. Ve فَصِيلٌ [Fesîl] Esâmîdendir: hakem b. Fesîl ve 'Adiyy b. el-Fesîl ve Buhayr b. el-Fesîl muhaddislerdir.