اَلْغَمَا [el-gamâ] (قَفَا [kafâ] vezninde) Uğunmuş adama denir; yukâlu: رَجُلٌ غَمًا أَيْ مَغْمِيٌّ عَلَيْهِ Bunun müfred ve cem’i ve tesniyesi müsâvîdir yâhûd tesniyesinde غَمَيَانِ [gameyân] denir fetehâtla ve cem’inde أَغْمَاءٌ [agmâ’] denir. Ve غَمَا [gamâ] ve غِمَاءٌ [gimâ’] (كِسَاءٌ [kisâ’] vezninde) Hânenin tavanına denir yâhûd dam üzere örttükleri toprak ve tahta ve tuğla makûlesine denir. Bunun tesniyesinde غَمَيَانِ [gameyân] ve غَمَوَانِ [gamevân] ve cem’inde أَغْمِيَةٌ [agmiyet] ve أَغْمَاءٌ [agmâ’] denir. Ve غَمَا [gamâ] Atı terletmek için sırtına çektikleri çul ve pâlâs makûlesine denir. Ve غَمَا [gamâ] Havâda bulut olmakla hilâl mestûr olmağa denir; ke-mâ se-yuzkeru.