اَلرَّجْمُ [er-recm] (râ’nın fethi ve cîm’in sükûnuyla) Katl eylemek ma’nâsınadır. Bu ma’nâ ve ma’ânî-i sâ’ire remy bi’l-hicâre ma’nâsından müteferra’dır; yukâlu: رَجَمَهُ رَجْمًا مِنَ الْبَابِ الْأَوَّلِ إِذَا قَتَلَهُ Ve bir adamın nâmûsuna bühtân eylemek ma’nâsınadır; yukâlu: رَجَمَهُ إِذَا قَذَفَهُ Ve gayb ma’nâsınadır; yukâlu: قَالَهُ رَجْمًا أَيْ غَيْبًا Ve zann ve gümân ma’nâsınadır; yukâlu: قَالَ ذَلِكَ رَجْمًا أَيْ ظَنًّا Ve dost ma’nâsınadır; yukâlu: هُوَ رَجْمُ فُلَانٍ أَيْ خَلِيلُهُ Ve nedîm ve musâhibe denir; yukâlu: هُوَ رَجْمُهُ أَيْ نَدِيمُهُ Ve la’n ve nefrîn ma’nâsınadır; yukâlu: رَجَمَهُ رَجْمًا إِذَا لَعَنَهُ Ve sövmek ma’nâsınadır; yukâlu: رَجَمَهُ إِذَا شَتَمَهُ Ve bir nesneyi külliyyen terk ve kat’ eylemek ma’nâsınadır; yukâlu: رَجَمَ فُلَانًا إِذَا هَجَرَهُ Ve kovmak ma’nâsınadır; yukâlu: رَجَمَهُ إِذَا طَرَدَهُ Ve bir adamı taşa tutmak, seng-sâr ma’nâsınadır; yukâlu: رَجَمَهُ إِذَا رَمَاهُ بِالْحِجَارَةِ Ve رَجْمٌ [recm] Bir kimseye atılan taşın ismidir;cem’i رُجُومٌ [rucûm]dur. Kâle’ş-şârih ve fi’n-Nihâye ve fî hadîsi katâde: “خَلَقَ اللهُ هَذِهِ النُّجُومَ لِثَلَاثٍ زِينَةً لِلسَّمَاءِ وَرُجُومًا لِلشَّيَاطِينِ وَعَلاَمَاتٍ يُهْتَدَى بِهَا” فَالرُّجُومُ جَمْعُ رَجْمٍ وَهُوَ مَا يُرْجَمُ بِهِ Burada رُجُوٌم [rucûm]dan murâd şihâblardır kevâkib merkezlerinde sâbit olup melâ’ike onların 'alev-i âteş gibi nûrundan ahz ve şeyâtîn üzere remy ederler. Ve رَجْمٌ [recm] Kabre taştan nişân ve 'alâmet nasb eylemek, ‘alâ-kavlin kabr üzere رِجَامٌ [ricâm] dediği taşlar vaz’ eylemek ma’nâsınadır; yukâlu: رَجَمَ الْقَبْرَ رَجْمًا مِنَ الْبَابِ الْأَوَّلِ إِذَا عَلَّمَهُ أَوْ وَضَعَ عَلَيْهِ الرِّجَامِ Ve âteş gibi şiddetle yelmek ma’nâsınadır; yukâlu: جَاءَ يَرْجُمُ إِذَا مَرَّ وَهُوَ يَضْطَرِمُ فِي عَدْوِهِ Burada يَرْجُمُ lafzı sâkıt olan nüshalar sâkıttır.