اَلْخُوَارُ [el-huvâr] (غُرَابٌ [gurâb] vezninde) Hayvândan sığır kısmının âvâzına denir ki böğürme ta’bîr olunur. Ve koyun ve keçi âhû kısmında âvâzlarına denir ki meleme ta’bîr olunur. Ve yaydan çıkarken okun dahi âvâzına ıtlâk olunur.

اَلْمَحُورَةُ [el-mehûret] (mîm’in fethi ve hâ’nın zammıyla) ve اَلْحَوَارُ [el-havâr] (hâ’nın fethiyle) Bunların dördü dahi bir ma’nâyadır, cevâbdan 'ibârettir; yukâlu: كَلَّمْتُهُ وَمَا رَجَعَ إِلَيَّ حَوِيرًا وَلَا حَوِيرَةً وَلَا مَحُورَةً وَلَا حَوَارًا أَيْ مَا رَدَّ جَوَابًا

اَلْحُوَارُ [el-huvâr] (hâ’nın zammıyla) Deve yavrusudur. Ve mezbûra حُوَارٌ [huvâr] derler tâ ki anasından munfasıl olunca, kaçan munfasıl olsa فَصِيلٌ [fesîl] derler.