اَلْعَنْكُ [el-'ank] ('ayn’ın fethiyle) ve اَلْعُنُوكُ [el-‘unûk] (قُعُودٌ [ku’ûd] vezninde) Kumluk be-gâyet müte’akkid ve muhkem ve mürtefi’ olmak ma’nâsınadır, şöyle ki ondan tarîk ve meslek mümkin olmaya; yukâlu: عَنَكَ الرَّمْلُ عَنْكًا وَعُنُوكًا مِنَ الْبَابِ اْلأَوَّلِ إِذَا تَعَقَّدَ وَارْتَفَعَ فَلَمْ تَكُنْ فِيهِ طَرِيقٌ Ve 'avret erine nüşûz ve 'isyân eylemek ma’nâsınadır; yukâlu: عَنَكَتِ الْمَرْأَةُ إِذَا نَشَزَتْ وَعَصَتْVe süt pek koyu olmak ma’nâsınadır; yukâlu: عَنَكَ اللَّبَنُ إِذَا خَثُرَ Ve bir yere revân olmak ma’nâsınadır; yukâlu: عَنَكَ فُلَانٌ إِذَا ذَهَبَ فِي الْأَرْضِ Ve bir kimse üzerine hamle edip sür salmak ma’nâsınadır; yukâlu: عَنَكَ الْفَرَسُ إِذَا حَمَلَ وَكَرَّ Ve kum ve kan pek kızarmak ma’nâsınadır; yukâlu: عَنَكَ الرَّمْلُ وَالدَّمُ إِذَا اشْتَدَّتْ حُمْرَتُهُمَا Ve deve halâsı düşvâr olan kumsala düşüp gitmek ma’nâsınadır; yukâlu: عَنَكَ الْبَعِيرُ إِذَا سَارَ فِي الرَّمْلِ فَلَمْ يَكَدْ يَتَخَلَّصْ مِنْهُ Ve kapıyı kapamak ma’nâsınadır; yukâlu: عَنَكَ الْبَابَ إِذَا أَغْلَقَهُ