عُرُفَّانُ ['uruffân] (zammeteynle ve fâ’nın teşdîdiyle) ve عِرِفَّانُ ['irrifân] (kesreteynle عِفِتَّانٌ ['iffitân] vezninde) Bir gûne ocak çekirgesi ismidir ki asl çekirgeye şebîh olur, ancak Rimse ve 'Unzuvâne’de olur. 'Alâ-kavlin bir küçük böcek ismidir ki ‘Âlic ve Dehnâ’ kumluklarında olur. Ve عُرُفَّانُ ['Uruffân] ('ayn’ın zammıyla) Bir dağın ismidir. Ve عِرِفَّانُ ['iriffân] ('ayn’ın kesriyle) Râ’î-i şâ’irin refîki ismidir ki onun hakkında işbu şi’ri inşâd eyledi: “كَفَانِي عِرِّفَانُ الْكَرَى وَكَفَيْتُهُ || كُلُوءَ النُّجُومِ وَالنُّعَاسُ مُعَانِقُهْ || فَبَاتَ يُرِيه ِعِرْسَهُ وَبَنَاتِهِ || وَبِتُّ أُرِيهِ النَّجْمَ أَيْن مَخَافِقُهْ” Ve عِرِفَّانٌ ['iriffân] Bir şey’in ism ve resmiyle beyân ve ona delâlet eden adama denir; 'ayn’ın zammıyla da câ’izdir; yukâlu: هُوَ عِرِفَّانٌ أَيْ مُعْتَرِفٌ بِالشَّيْءِ دَالٌّ عَلَيْهِ